ឯកឧត្តមបណ្ឌិត រស់ វណ្ណា អញ្ជើញចូលរួមប្រជុំសំណេះសំណាលប្រជាពលរដ្ឋនិងកម្មករ កម្មការនី នៅស្រុកអង្គស្នួល ខេត្តកណ្ដាល
27-December-2015 | ដោយ ប៊ុនឆាយ
កណ្ដាល៖ នាព្រឹកថ្ងៃទី២៧ ខែធ្នូ ឆ្នាំ២០១៥ ឯកឧត្តម បណ្ឌិត រស់ វណ្ណា ប្រធានគណអចិន្ត្រៃយ៍គណពង្រឹងស្រុកអង្គស្នួល បានអញ្ចើញ ជាអធិបតីភាពក្នុងកម្មវិធីសំណេះសំណាលជាមួយ កម្មករ កម្មការនី ឃុំបែកចាន ស្រុកអង្គស្នួល ខេត្តកណ្តាល ប្រមាណជា ៥០០ នាក់ ។ ដោយចូលរួមពីក្រុមការងារគណពង្រឹងឃុំបែកចាន - គណកម្មាធិការបក្សស្រុកអង្គស្នួល គណកម្មាធិការបក្សឃុំបែកចាន ឃុំឆក់ឈើនាង ។
ឯកឧត្តម បណ្ឌិត រស់ វណ្ណា បានមានមតិសំណេះសំណាលជាមួយបងប្អូនប្រជាពលរដ្ឋន ក្មួយៗកម្មករ កម្មការនី និង បានលើកឡើងពីការបង្កើត មូលនិធិគាំពារមាតា តាមមណ្ឌលសុខភាព ទូទាំងស្រុក ក្នុងការសំរាលកូន ១លើក ទទួលបាន ៨០០០០ រៀល និង សំភារៈមួយកូនកញ្ចប់ និង បានណែនាំឲ្យកម្មករកម្មការនីត្រូវគោរពច្បាប់ចរាចរណ៍ និង បានប្រាប់ដល់ក្មួយៗអំពីការផ្អាកយកពន្ឋផ្លូវសំរាប់ម៉ូតូដល់ក្មួយៗ ច្បាប់សំរាប់បន្ទប់ជួល ការបញ្ចុះតំលៃភ្លើងអគ្គិសនី និងបញ្ហាស្ថានភាពនយោបាយបច្ចុប្បន្ន។
ឆ្លៀតក្នុងឱកាសនោះ ឯកឧត្តម បណ្ឌិត បានលើក ទឹកចិត្តដល់ក្មួយៗកម្មករ កម្មការនី ឲ្យលើកពីចំងល់ និង សំនួរ ដើម្បីងាយស្រួលដល់ ក្រុមការងារបានបកស្រាយ និង ឲ្យបង្កើតមណ្ឌលកម្មករ សំរាប់ក្មួយៗកម្មករ កម្មការនីក្នុងមួយភូមិម្នាក់ ជាប្រធានមណ្ឌល ដែលមានចំនួន ៦នាក់ សំរាប់៥ ភូមិ ក្នុងការបង្កើតមណ្ឌលកម្មករនេះទៀតសោតក្នុងន័យបង្កលក្ខណៈខាងស្រួលដល់ក្មួយៗកម្មករ កម្មការនីបានរាយការណ៍ពីទុក្ខលំបាករបស់ក្មួយមកកាន់ប្រធានមណ្ឌល ដើម្បីឲ្យក្រុមការងារគណពង្រឹងបានដោះស្រាយ ទាន់ពេលវេលា ។
ជាចុងបញ្ចប់ ឯកឧត្តម បណ្ឌិត រស់ វណ្ណា បានឧបត្ថម្ភដល់ក្មួយក្មួយៗកម្មករ កម្មការនី និង ក្រុមប្រឹក្សាឃុំបែកចាន និងឃុំ ឆក់ឈើនាង ចំនួន ១៧១ នាក់ ក្នុងម្នាក់ៗថវិកា ១០០០០រៀល ដោយឡែកក្មួយៗ ដែលជាតំណាងកម្មករតាមមណ្ឌលចំនួន6នាក់ ក្នុងម្នាក់ ថវិកា ២០០០០ រៀល៕ដោយមែន កំសត់
ចំនួនអ្នកទស្សនា
- ថ្ងៃនេះ3311
- ម្សិលមិញ15191
- សប្តាហ៍នេះ46461
- ខែនេះ68341
- ឆ្នាំនេះ68341
- សរុប20510797